रुकुम पुर्वको सिस्ने गाउँपालिका-३ पाङ्गामा आजबाट परम्परागत रुपमा लाग्दै आएको बागेधारा मेला सुरु भएको छ । मेलाको अवसरमा विगत ३ वर्षयता खेलकुद प्रतियोगिता पनि सञ्चालन हुँदै आएको छ । मेलाको अवसरमा रामाजैसी मन्दिरको प्राङ्गनमा शुद्ध वडास्तरिय महिला, पुरुष भलिबल प्रतियोगीता र रस्साकस्सी प्रतियोगिताको आयोजना गरिएको छ ।
बागेधारा खेलकुद समिति सिस्ने-३ को आयोजनामा आयोजित मेला र खेलकुद प्रतियोगिताको आज सिस्ने गाउँपालिकाका अध्यक्ष कृष्ण रेग्मिले उद्घाटन गर्नुभएको छ । उद्घाटन कार्यक्रममा बोल्दै गाउँपालिका अध्यक्ष रेग्मिले प्रतियोगितालाई सफल बनाउन गाउँपालिकाले पनि आवश्यक सहयोग गर्ने बताउनुभएको छ । यस्ता परम्परागत मेलाहरुले पुराको कला संस्कृतिको जगेर्नामा टेवा पुर्याउदै आएको पनि उहाले बताउनुभएको छ ।
पुरुष भलिबल प्रतियोगितामा प्रथम स्थान हासिल गर्ने समुहलाई १ लाख नगद पुरस्कार सहित कप, मेडल र प्रमाणपत्र प्रदान गरिने बागेधारा खेलकुद समितिका अध्यक्ष केशव खत्रीले जानकारी दिनुभएको छ । उहाकाअनुसार दित्तिय स्थान हासिल गर्नेले ७० हजार, तृतीय स्थान हासिल गर्नेले ४० हजार र सान्तवाना स्थान हासिल गर्ने समुहले २० हजारको साथमा कप मेडल र प्रमाणपत्र प्राप्त गर्नेछन् ।
यस्तै महिला भलिबल प्रतियोगितामा प्रथम स्थान हासिल गर्नेले २५ हजारको साथमा कप, मेडल र प्रमाणपत्र प्राप्त गर्नेछन् । यस्तै दित्तिय, तृतीय स्थान हासिल गर्नेलाई क्रमश २० हजार, १५ हजारको साथमा कप मेडल र प्रमाणपत्र प्रदान गर्ने आयोजकले जनाएको छ ।
यस्तै रस्साकस्सिमा प्रथमलाई दुई हजार, दोस्रोलाई एक हजार पाँच सय र तृतीय हुनेलाई एक हजार पुरस्कार प्रदान गरिने छ । सथै मेलामा सहभागिता जनाउने सबै झाकी समुहलाई ५/५ हजार प्रदान गरिने छ ।
आजबाट सुरु भएको मेला २० गतेसम्म चल्ने छ ।
बागेधारा खेलकुद समितिका अध्यक्ष केशव खत्रीको अध्यक्षतामा भएको मेला तथा खेलकुद उद्घाटन कार्यक्रममा सिस्ने गाउँपालिका अध्यक्ष कृष्ण रेग्मिको प्रमुख र गाउँपालिका उपाध्यक्ष गोपाल रेउलेको विशेष आतिथ्यता रहेको थियो । कार्यक्रममा सिस्ने-३ का वडाध्यक्ष हेराम खड्का, ७ का वडाध्यक्ष शशिधर बुढा, वडा सदस्यहरु, राजनीतिक दलका प्रमुख एंव प्रतिनिधिहरु, स्थानिय झाकी समूह, पत्रकार लगाएको उपस्थिति रहेको थियो ।
कार्यक्रमको सञ्चालन अम्मर खत्रीले गर्नुभएको थियो ।
